விஜய் ரசிகர்களின் நீண்ட நாள் கனவு பலிக்குமா.?

அட்லி இயக்கத்தில் இளைய தளபதி விஜய் நடித்த மெர்சல் படம் பல பிரச்சனைகளுடன் வெளியானது. என்ன தான் பல பிரச்சனைகளை சந்தித்தாலும் மெர்சல் படம் மிக பிரமாண்டமான வெற்றியை இந்த ஆண்டில் பதிவு செய்துள்ளது.இப்படத்தின் வெற்றியின் காரணமாக விஜய் ரசிகர்கள் விஜயின் அடுத்த படத்திற்கு மிக எதிர்பார்ப்புடன் இருக்கின்றனர்.

கத்தி, துப்பாக்கி என்னும் மா பெரும் வெற்றி படங்களை தொடர்ந்து தளபதி விஜய் மற்றும் முருகதாஸ் இருவரும் மூன்றவது முறையாக கூட்டணி அமைக்க இருப்பது நம் அனைவருக்கும் தெரிந்த ஒன்றே.இந்த தகவல் அனைவருக்கும் தெரிந்ததாக இருந்தாலும் இது நமது எதிர்பார்ப்பை மேலும் அதிகரித்துள்ளது.

இப்படத்தின் படப்பிடிப்பு வருகின்ற ஜனவரி மாதம் நடக்க இருக்கிறது.மேலும் இந்த படத்தில் நடிக்க இருக்கும் நடிகர், நடிகைகள் தேர்வு செய்யும் வேலை தற்போது நடந்து வருகின்றது.இந்த வேலை முடிந்ததும் இந்த படத்திற்கான இசை அமைப்பாளரை முடிவு செய்ய இருக்கின்றனர்.இப்படத்திற்கு இசை அமைப்பாதற்கு யுவன் சங்கர் ராஜா இசையமைக்கலாம் என்று கூறிக்கொண்டிருந்தனர்.

தற்போது நெருங்கிய வட்டாரங்கள் பெரும்பாலும் யுவன் தான் இசையமைப்பாளர் என்று கூறி வருகின்றனர், அப்படி இது நடந்தால் விஜய்-யுவன் கூட்டணியில் இது இரண்டாவது படமாகும்.இவர்களின் முதல் படம் புதியகீதை. இந்த படம் வெளியாகி 14 வருடங்கள் ஆகிவிட்டது.

மேலும், ரசிகர்களும் நீண்ட காலங்களுக்கு பிறகு இந்த கூட்டணி எப்போது மீண்டும் இணையும் என வெறித்தனமாக காத்திருந்தனர். அதிகாரப்பூர்வ தகவல் வெளியாகும் வரை காத்திருப்போம்.

Tags: vijay , yuvan sankar raja, vijay 62