தலயின் விஸ்வாசம் பற்றி ஒரு சில தகவல்கள்

விவேகம் படத்திற்கு பின்னர் தல அஜித் என்ன படம் நடிக்க போகிறார், யாருடைய இயக்கத்தில் நடிக்க போகிறார், எந்த மாதிரியான கதை களத்தில் நடிக்க போகிறார் என்று, தல ரசிகர்கள் எழுப்பாத கேள்விகளே கிடையாது. அந்த அளவிற்கு தலயின் படத்திற்கான தகவலுக்கு,ரசிகர்கள் காத்து கொண்டிருந்தனர்.

இந்த நிலையில் இவர்களின் அனைத்து கேள்விகளுக்கு மட்டுமின்றி பல தகவல்கள் கடந்த தினங்களில் வெளியானது.

அதாவது, அஜித்தின் இந்த படத்தினை சிறுத்தை சிவா இயக்குகிறார் என்றும் விவேகம் படத்தை தயாரித்த சத்யஜோதி பிலிம்ஸே தயாரிப்பதாகவும் தெரிவிக்கப்பட்டுள்ளது.

திரையில் வெளியாகும் அனைத்து அஜித் படங்களின் பெயரும் படத்தின் இறுதி நிலையில் தான் வெளியாகும் ஆனால் இந்த படத்தின் பெயர் “விஸ்வாசம்” என்று படத்தின் துவக்கத்திலேயே அறிவிக்கப்பட்டுள்ளது.

பொதுவாக அஜித் படத்தை பற்றிய தகவல்கள் அனைத்தும் வியாழக்கிழமை அன்று வெளியிடப்படுவது வழக்கம், அதனை இந்த விஷயத்திலும் கடைபிடித்துள்ளார்கள்.அதுமட்டுமின்றி வீரம், வேதாளம், விவேகம் படங்களை போலவே இந்தப்படமும் ‘வி’ வரிசையில் பெயர் வைக்கப்பட்டுள்ளது என்பது குறிப்பிடத்தக்கது.

விசுவாசம் என்னும் தலைப்பை வைத்து பார்த்தால் இப்படம் கண்டிப்பாக சென்டிமென்ட் படமாக தான் இருக்க முடியும் என்று கருத்துகணிப்புகள் வெளியாகின்றன.

குறிப்பாக சொல்ல வேண்டும் என்றால், அஜித்தின் வீரம் படம் சகோதர பாசத்தை மையமாக கொண்டும், வேதாளம் தங்கை பாசத்தை மையமாகக்கொண்டும், விவேகம் படம் மனைவி பாசத்தை மையமாக வைத்தும் உருவாக்கப்பட்டது.

அந்த வகையில் இந்த படமும் குடும்ப சென்டிமென்ட் கதையாக உருவாகலாம் என்று எதிர்பார்க்கப்படுகிறது.

மிக முக்கியமாக, தல அஜித் இந்த படத்தில் சால்ட் அன்ட் பெப்பர் தோற்றத்தில் எதிர்பார்க்க முடியாதாம்.அதற்கு பதிலாக படு இளமையாக இந்த படத்தில் நடிக்கவுள்ளார் அஜித்.

இதில் நீங்கள் தல அஜித்தை எந்த தோற்றத்தில் காண விரும்புகிறீர்கள் என்று கமெண்ட் பண்ணுங்க.